محطات في حياة الاعب كرة طائرة بنادي القاهرة محمد خالد : الصور و فيديو

0 165

انا اسمي محمد خالد مواليد ٢٠٠٧،بدأت العب فولي من و انا عندي ٦ سنين،اخترت العب فولي عشان اخواتي كلهم كانوا لاعيبة فولي في النادي و كنت عايز ابقى لاعيب جامد زيهم،بس احياناً لما كنت بتفرج على تمارينهم و انا صغير كنت بخاف من المدربين لو زعقوا او كده،دخلت الاكادمية لمدة سنة و انضميت لفريق ١١ سنة و انا عندي سبع سنين،مركزي في الوقت ده كان ليبرو بسبب اني كنت قصير بس كنت ليبرو اساسي و كنت بستمتع جداً بمركز الليبرو،بعد ٣ سنين،انا طولت شوية و بقيت العب بصير، و بعد سنة بس بدأت العب مهاجم مركز اربعة لما دخلت فريق ١٣ سنة،تاني سنة مع فريق ١٣ سنة،كان مستوايا عالي و طلبوني اني اتصعد لفريق ١٥ سنة و حصل بالفعل و لعبت معاهم و كنت اساسي و حاليا انا في فريق ال ١٥ سنة.بطولاتي مع نادي القاهرة كانت الحمدلله كتير،مرحلة ١١ سنة خدنا الاول على منطقة القاهرة بعد موسم لا هزيمة،في ال١٣ سنة خدنا مركز تاني في بطولة الجمهورية و خدنا مركز رابع على مستوى المنطقة و خدنا مركز اول في بطولة ودية اقامت قبل الكورونا.مثلي الاعلى هم ابويا و امي لانهم ناجحين جداً في حياتهم و انا نفسي ابقى ناجح زيهم،من ناحية الرياضة مثلي الاعلى كريستيانو رونالدو بسبب mentality الفوز و انه يكون احسن لاعيب و انا عندي نفس ال mentality و بكره الخسارة.حلمي اني العب في النادي الاهلي عشان النادي الاهلي هو ملك العاب الصالات و حلمي اني اوصل المنتخب و العب باسم بلدي في الاولومبياد و ابقى بطل اوليمبي. انا شايف ان احسن لاعب في العالم حالياً هو ارڤين لاعب منتخب فرنسا و اللاعب توبايس لاعب منتخب المانيا و في مصر احسن لاعبين من وجهة نظري هم احمد صلاح و عبدالله عبدالسلام نجوم النادي الاهلي و منتخب مصر

اترك تعليق

يرجي التسجيل لترك تعليقك

شكرا للتعليق