كيف أثبت سلمي سويلم أنه المرأة المثالية في نادي اتحاد الشرطة : فيديو و الصور

0 409

سلمي سويلم مواليد 2003 عندي 18 سنة بدأت كرة طائرة من وانا في 6 ابتدائي يعني كان عندي 12 سنة بدأت في مركز شباب مدينة 15 مايو و اكتر وقت كنت بستناه وقت التمرين بجد اولا لانها كانت حاجة جديده في حياتي و حباها و نفسي اوصل فيها لحاجه عاليه لاني كنت بقعد اتفرج علي ماتشات و كنت ببقي نفسي انا اللي اكون بلعب و كدة ثانيا لان الكابتن بتاعي كان اكتر من أب لينا كلنا بجد كابتن سمير و كان محببنا في اللعبه جدا ، و اتعلمت و مركزي بقي سنتر و مره مع مره مستوايا بدأ يتحسن و كل مره كنت بغلط او بلعب وحش كنت بقول لنفسي ان التمرينة الجايه هعوض والعب احسن و هكذا لحد ما بقيت مؤهلة اني اتسجل في نادي واتسجلت في نادي 15 مايو و قعدت فيه ٣ سنين بعد كدة النادي معملش فريق لسننا فا مشيت ، اتعلمت حاجات كتير اوي واتعرفت علي ناس كتير و كنت بطلع كل طاقتي في التمرين حرفيا بعد كده روحت نادي الشرطة و كنت بلعب في فرقتين فرقة 18

و اتصعدت لدرجة اولي و كنت بلعب في الاتنين في نفس الوقت و لعبت سنتر واربعة و عايزه اقول ان لولا توفيق ربنا طبعا ثم كابتن عابد مكانش زمان مستوايا بقي أحسن من الاول بكتير قعدت سنة في الشرطة و دي كانت احسن سنة بالنسبالي لاننا ماكناش تيم احنا كلنا كنا عيلة بمعني الكلمة و يمكن دي كانت اكبر ميزة فينا و اتعلمت في السنة دي حاجات كتير اوي ماكنتش واخده بالي منها و مستوايا بقي احسن كمان و بعد كدة حصل ظروف و مشينا و حاليا بلعب في نادي هليوليدو و ده الموسم الأول ليا و ان شاء الله نكمل علي خير

 

اترك تعليق

يرجي التسجيل لترك تعليقك

شكرا للتعليق