كابتن ملك زيدان تتحدث عن مشوارها في اندية داخل كرة السلة : الصور

0 61

الاسم: ملك زيدان مواليد:٢٠٠٧ لعبت سباحه من وانا عندي ٦ سنين لحد ١٠ سنين ولعبت تايكندو لمدة سنة لكن الباسكت كان عشقي دائما فقررت العب باسكت وانا عندي ١٠ سنين في نادي التجمع الاول دخلت الاول سنه مدارس وبعدين كونوا فريق ل ٢٠٠٧ وشاركت معاهم وقعدت في النادي ٤ سنين الاهتمام بالفريق ما كنش قوي سنه ورا سنه الفريق بيقل وبيقللني معاه والكباتن للاسف مبيهتموش الا بالبرايفت وبدأت احبط وقررت امشي في شهر ٥ /٢٠٢١. خرجت من النادي بعد عذاب البحث عن الاستغناء والهروب من نار المدير الفني اللي خلاني افقد الثقة في كل المدربين وبدأت ادور على نوادي رحت كتير وما ارتحتش فيهم فقابلت الكابتن المحترمه نسمه مجدي صابر اللي اقترحت عليا نادي اتحاد الشرطه اللي داخل تحدي بعد توقف عن المشاركات منذ ثورة يناير ٢٠١١ ورحت الاختبارات وقدمت واتقبلت. وبدأت تمارين معاهم وفعلا قد ايه محترمين وقد ايه مدرب الفريق كابتن احمد عادل شخص محترم جدااا قدر يستوعبني ويطور من مهاراتي ودخلنا اول تحدي في دورة الصداقة بنادي الصيد وكسبنا كل الفرق القوية امثال نادي الصيد والترسانة ومركز شباب الجزيرة والبنك الاهلي وان شاء الله احقق حلمي وابقي لاعبه قويه ومعروفه زي ثريا الشرقاوي وربنا يوفق فريقي ونحقق مراكز متقدمة

 

اترك تعليق

يرجي التسجيل لترك تعليقك

شكرا للتعليق