كابتن ايمان احمد تتحدث عن مشوارها في اندية داخل كرة السلة : الصور و فيديو

0 133

اسمي: ايمان احمد فودة
مواليد : 2002 (عندي 19 سنة )
مركزي : بيڤوت
بدأت العب باسكت و انا عندي 8سنين بعد ما جربت رياضات كتير بس مكنتش حباهم لحد ما جربت الباسكت و حبيته و كملت فيه ، بدأت في أكاديمية نادي طلعت حرب قعدت فيها فترة مش كبيرة و روحت نادي مصر للتأمين دخلت الفريق و قعدت هناك و بعدين انتقلت لنادي حدائق الاهرام دخلت فريق تحت 14 سنة قعدت فترة الناشئين كلها هناك قعدت 6 سنين تقريبا معاهم كان فيهم انتصارات و فرح و حماس و إصرار و كان فيهم هزيمة و احباط و إصابات ( يعني وقعت كتير بس كان عندي إصرار اني اقوم و اكمل )
من اكتر المدربين اللي اثروا فيا في نادي الحدائق و لقيت منه دعم و مساعدة كبيرة علي المستوي الرياضي و المستوي الشخصي كابتن هاني عادل اللي بعد فضل ربنا عليا ليه دور كبير اوي في اللي وصلت له و السيزون اللي كان معانا فيه كان نقطة تحول في مستوايا ولعبي
و حبة اشكره جدا طبعا
و انتقلت لنادي البطل الأوليمبي فريق درجة اولي السنة اللي فاتت و كانت أول سنة للنادي يعمل فريق درجة اولي و الحمد لله أخذنا مركز تاني و صعدنا لدوري الممتاز ب مع كابتن امير محمد اللي اداني ثقة كبيرة حبة اشكره عليها طبعا و إن شاء الله اكون قدها و إن شاء الله اقدر استفيد من خبرته و أتعلم منه و نحقق حاجة كويسة السيزون ده
و في النهاية حبة اشكر عائلتي اللي بتشجعني دائما و بتدعمني

 

اترك تعليق

يرجي التسجيل لترك تعليقك

شكرا للتعليق