شاهد ميار كامل تألقت في تدربيات جيم عبر تواصل اجتماعي : فيديو و الصور

0 59

انا ميار محمد كامل بدأت من و انا عندي 18 سنة بعد ماتنسيقي دخلني بيطري مكنتش ساعتها حابة الكلية لاني كنت بخاف من الحيوانات بس اهلي كانوا عايزني ابقى دكتورة

 

   ( دا اتغير دلوقتي و بقيت بحبها و عرفت قيمتها و رجع بيا الزمن كنت دخلتها تاني ) قررت اني ادخل الكلية بس اعمل حاجة انا بحبها الحقيقة اني لعبت حجات كتير بس مثبتش ف لعبة معينة لعب سباحة و باسكت و كونغ فو و طبعا الالعاب دي كانت بتتطلب أن يكون عندي كفائة بدنية كويسة ف كنت طبيعي بنزل الچيم و من هنا اكتسبت خبرتي العملية اتمرنت ف چيمات كتير و مع كباتن كتير بس طبعا معرفتش فين الصح لحد ما ابتديت اقرا انا و اثقف نفسي هنا كليتي ساعدتني كتير لأنها مش زي ما انا و اغلب الناس كنا فاكرين حيوانات بس لا احنا بندرس الاساسيات لكل الكائنات زي علم التشريح و وظائف الأعضاء و التغذية و الكيمياء الحيوية و غيرها ف دا ساعدني كتير افهم الكتب اللي كنت بذاكرها بنفسي و مع الوقت ابتديت كمان امرن ناس و النتايج صدمتني انا شخصيا بعد كدا اشتغلت ف چيم كابتن مساعد و كانت خبرتي العملية و العلمية وقتها تؤهلني اني اكون مدربة ف اشتغلت ف كذا چيم كمدربة و مرنت ناس كتير خلال الفترة اللي فاتت و كانت النتائج مفرحة الحقيقة

 

و فالفترة دي اشتغلت كمان كيك بوكس لاني بحب الألعاب القتالية اشتغلت ف House of pain gym Leader gym Uplift gym Legend gym Ultimate gym No.33 gym

و هدفي من اللعبة دي أن على الأقل البنت و هي ماشية ما تكونش خايفة و متكنش فريسة سهلة لأحد المرضى النفسيين اللي بنقابلهم كل يوم ف شوارع مصر للاسف

و اكيد مش هقف عند كدا انا حاليا 20 سنة و هفضل اطور من نفسي الفترة الجاية كمان إذا كان ف مجالي ك دكتورة بيطرية أو فالمحال اللي اخترته مدربة كيك بوكس

 

 

اترك تعليق

يرجي التسجيل لترك تعليقك

شكرا للتعليق