تعرف علي انجازات مع محمد وليد الاعب للكرة اليد بنادي مدينة نصر : فيديو و الصور

0 81

الإسم: محمد وليد محمد مجدي السن: 15 سنه مواليد ٧/١٢/٢٠٠٥ المركز الحالي: وينج لفت و وينج رايت الحكايه بدأت سنه ٢٠١٢ كان عندي ٧ سنين و كنت بلعب في نادي المقطم و كنت أكاديمية مع كابتن محمد النمر و ساعاتها مكنتش فاهم يعني ايه هاند بول بعد سنه في سنه ٢٠١٣ جه كابتن احمد حلواني كنت ابتديت احب الهاندبول و كان مكنش فيه فرق في سني في نادي المقطم بس من حسن حظي كان موجود الكابتن القدير كابتن احمد جلال في نادي المقطم و كان بيكون فرقه في نادي إتحاد الشرطة مواليد ٢٠٠٤/٢٠٠٥ و إخترني اني اكون معاه و بالفعل إتسجلت في نادي إتحاد الشرطه و من هنا بدأ الحلم يظهر و هو اني ابقي حاجه في المستقبل في الهاندبول…لعبنه موسم قوي و إتعلمت منه كتير وله فضل عليا كبير..و في ٢٠١٤ اتفصلت ٢٠٠٥ عن ٢٠٠٤ وكان معانا كابتن شادي القدير اللي علمني و أسسني في الهاندبول و خلاني لاعيب كبير و حققنا معاه مركز تاسع في البطولة الصيفيه في الأسكندرية و كان من احلي المواسم اللي لعبتها..بعد سنه في سنه ٢٠١٥ جه كابتن احمد فوزي و لعبنا صيفيه و شتويه و الحمدلله كنا بنحقق…و بعد سنه في ٢٠١٦ و هي اسوء سنه ليا عشان دي اللي غيرت مصير حياتي في الهاندبول و دي السنه اللي كان الحلم هيضيع فيها… وفي السنه دي جه كابتن محمد سعيد الكابتن اللي رفع مستوايا جدا و في اخر ماتش في الموسم حصل مشكله ما بين أولياء الأمور و الاعيبه و تم تصفيه فريق ٢٠٠٥ في إتحاد الشرطة و رجعت تاني لنادي المقطم و دي ممكن اعتبرها ان دي اكبر غلطه عملتها في حياتي لعبت سنه أكاديمية سنه ٢٠١٧ و بعد سنه في ٢٠١٨ اتكون فريق ل٢٠٠٥ ولاد في المقطم مع كابتن مهاب و كان مركزي ساعتها هاڤ بس مكناش فرقه موفقة و قررت امشي و اروح نادي مدينه نصر اللي انا فيه حاليا و احاول ارجع تاني أعلي مستوايا من جديد في سنه ٢٠١٩ مع كابتن رفاعي لعبت موسم جيد مع الفرقه و بعدها في موسم ٢٠٢٠/٢٠٢١ جه كابتن احمد شعبان و الحمدلله لعبنا موسم حلو و انا فخور اني في الفريق ده حاليا… و في الموسم الحالي ٢٠٢١/٢٠٢٢ بنلعب موسم قوي حتي الأن لعبنا ماتشين و كسبناهم الحمدلله في بطوله الجمهوريه و هدفنا ان نصل الي دور الثمانية ان شاء الله… وبشكر كل المدربين اللي سابوا علامه مميزه في حياتي و هم : ك.محمد النمر ك.احمد حلواني ك.احمد جلال ك.شادي ك.احمد فوزي ك.محمد سعيد ك.مهاب ك.رفاعي ك.احمد شعبان و هو مدربي الحالي

اترك تعليق

يرجي التسجيل لترك تعليقك

شكرا للتعليق