تعرف على إنجازات مع مريم محمد الاعبه كرة السلة بنادي النصر : فيديو و الصور

0 233

مريم محمد ابراهيم مواليد ٢٠٠٢ عندي ١٩ سنة خلصت اولى حقوق عين شمس ورايحة تانية ان شاء الله بدأت العب باسكت في نادي النصر من سن ٩ سنين و مستمره لحد دلوقتي اتمرنت من صغري كذا لعبه زي سباحه و و يد و طايره و العاب قوي و كانت اخرهم الباسكت و دي اللي قررت استمر فيها رغم اني قصيره 😂 بس هي دي اللعبه اللي حسيت نفسي فيها و حبيت اكمل فيها و ده بفضل كابتن سامح علي رئيس جهاز نادي النصر اتمرنت مع كباتن كتير منهم كابتن عصام بدران و كابتن ياسر طه و كابتن مصطفي بوشي و كابتن ممدوح ابراهيم و كابتن محمد رجب مفيش حد منهم كان بيقصر معايا و كلهم كانو بيدعموني اكمل و استمر و ادي كل مجهودي للباسكت بجانب دعم كابتن سامح علي رئيس الجهاز و كابتن صلاح عبد التواب الله يرحمه و ده بجانب دعم اهلي طبعا و خاصة ماما اللي مش بتسيبني في اي تمرين او ماتش و بتكون اول مشاهد و داعم ليا انا حبيت الرياضه دي علشان اول سبب الحب اني حبيت الحاجة دي جدا وارتبطت بيها مش مجرد بمارس رياضة وخلاص لا بينا ود و علشان تفوقت فيها و لاقيت نفسي فيها تاني حاجة الشغف واهم حاجة شغفي لما بينطفي من العالم كله بيرجع بسبب الرياضة دي تالت حاجه و هو الهدف ان حبي و شغفي خلوني عندي هدف اني ابقي في حته تانيه من الرياضه دي و اوصل لحاجه عايزاها و بحبها ان شاء الله يعني و هدفي اني اوصل لكل حاجه مخططلها و بتعبلها من دلوقتي زي اني ابقي في نادي كبير و بسعي علشان الاقي نتيجه السعي ده

اترك تعليق

يرجي التسجيل لترك تعليقك

شكرا للتعليق